RSS

Bir hasîrüm yoğ iken külbe-i ahzânumda

25 Eki

Bir hasîrüm yoğ iken külbe-i ahzânumda
Bûriyâ nakşı görinür ten-i ‘üryânumda

Sâyemi ben başuma ben gün doğacağın bilürin
Başa ol gün mi doğar sâye görem yanumda

Merdüm-i dîde ciger gûşelerini néce bir
Götürem kendü yetîmüm gibi dâmânumda

Yédügüm ayru géderken seg-i kûyuñla benüm
Görmedüm nân u nemek hakkını yârânumda

Baña ol nâme-i a‘mâl yeter ÂHÎ kim
Yâr hattıyla ğazeller ola dîvânumda

Ahîhuzunler-kulubesi

 
Bir hasîrüm yoğ iken külbe-i ahzânumda için yorumlar kapalı

Yazan: 25 Ekim 2016 in Türk Şiiri, Şiir

 

Etiketler:

Yorumlar kapalı.

 
%d blogcu bunu beğendi: